दोहा
श्रीगुरु चरण सरोज रज, निज मनु मुकुर सुधारि
बरनउ रघुवर बिमल जसु, जो दायकु फल चारि
बुद्धिहीन तनु जानिके, सुमिरौं पवन कुमार
बल बुधि विद्या देहु मोहि, हरहु कलेश विकार
चौपाई
जय हनुमान ज्ञान गुन सागर
जय कपीस तिहुँ लोक उजागर॥१॥
राम दूत अतुलित बल धामा
अंजनि पुत्र पवनसुत नामा॥२॥
महाबीर बिक्रम बजरंगी
कुमति निवार सुमति के संगी॥३॥
कंचन बरन बिराज सुबेसा
कानन कुंडल कुँचित केसा॥४॥
हाथ बज्र अरु ध्वजा बिराजे
काँधे मूँज जनेऊ साजे॥५॥
शंकर सुवन केसरी नंदन
तेज प्रताप महा जगवंदन॥६॥
विद्यावान गुनी अति चातुर
राम काज करिबे को आतुर॥७॥
प्रभु चरित्र सुनिबे को रसिया
राम लखन सीता मनबसिया॥८॥
सूक्ष्म रूप धरि सियहि दिखावा
विकट रूप धरि लंक जरावा॥९॥
भीम रूप धरि असुर सँहारे
रामचंद्र के काज सवाँरे॥१०॥
लाय सजीवन लखन जियाए
श्री रघुबीर हरषि उर लाए॥११॥
रघुपति कीन्ही बहुत बड़ाई
तुम मम प्रिय भरत-हि सम भाई॥१२॥
सहस बदन तुम्हरो जस गावै
अस कहि श्रीपति कंठ लगावै॥१३॥
सनकादिक ब्रह्मादि मुनीसा
नारद सारद सहित अहीसा॥१४॥
जम कुबेर दिगपाल जहाँ ते
कवि कोविद कहि सके कहाँ ते॥१५॥
तुम उपकार सुग्रीवहि कीन्हा
राम मिलाय राज पद दीन्हा॥१६॥
तुम्हरो मंत्र बिभीषण माना
लंकेश्वर भये सब जग जाना॥१७॥
जुग सहस्त्र जोजन पर भानू
लिल्यो ताहि मधुर फ़ल जानू॥१८॥
प्रभु मुद्रिका मेलि मुख माही
जलधि लाँघि गए अचरज नाही॥१९॥
दुर्गम काज जगत के जेते
सुगम अनुग्रह तुम्हरे तेते॥२०॥
राम दुआरे तुम रखवारे
होत ना आज्ञा बिनु पैसारे॥२१॥
सब सुख लहैं तुम्हारी सरना
तुम रक्षक काहु को डरना॥२२॥
आपन तेज सम्हारो आपै
तीनों लोक हाँक तै कापै॥२३॥
भूत पिशाच निकट नहि आवै
महावीर जब नाम सुनावै॥२४॥
नासै रोग हरे सब पीरा
जपत निरंतर हनुमत बीरा॥२५॥
संकट तै हनुमान छुडावै
मन क्रम वचन ध्यान जो लावै॥२६॥
सब पर राम तपस्वी राजा
तिनके काज सकल तुम साजा॥२७॥
और मनोरथ जो कोई लावै
सोई अमित जीवन फल पावै॥२८॥
चारों जुग परताप तुम्हारा
है परसिद्ध जगत उजियारा॥२९॥
साधु संत के तुम रखवारे
असुर निकंदन राम दुलारे॥३०॥
अष्ट सिद्धि नौ निधि के दाता
अस बर दीन जानकी माता॥३१॥
राम रसायन तुम्हरे पासा
सदा रहो रघुपति के दासा॥३२॥
तुम्हरे भजन राम को पावै
जनम जनम के दुख बिसरावै॥३३॥
अंतकाल रघुवरपुर जाई
जहाँ जन्म हरिभक्त कहाई॥३४॥
और देवता चित्त ना धरई
हनुमत सेई सर्व सुख करई॥३५॥
संकट कटै मिटै सब पीरा
जो सुमिरै हनुमत बलबीरा॥३६॥
जै जै जै हनुमान गुसाईँ
कृपा करहु गुरु देव की नाई॥३७॥
जो सत बार पाठ कर कोई
छूटहि बंदि महा सुख होई॥३८॥
जो यह पढ़े हनुमान चालीसा
होय सिद्ध साखी गौरीसा॥३९॥
तुलसीदास सदा हरि चेरा
कीजै नाथ हृदय मह डेरा॥४०॥
दोहा
पवन तनय संकट हरन, मंगल मूरति रूप।
राम लखन सीता सहित, हृदय बसहु सुर भूप॥
Doha
Shri guru charan saraj raj, Nij manu mukur sudhare |
Barnau raghubar bimal jasu, Jo dhayak phal chare ||
Budhihien tanu jaanke, Sumerao pavan-kumar |
Bal budhi vidhya dehu mohe, Harhu kales bikar ||
Chopai
Jai hanuman gyan gun sagar |
Jai kapise tehu lok ujagar ||
Ram dut atulit bal dhama |
Anjani putra pavan sut nama ||
Mahabir bikram bajragee |
Kumati nivas sumati ke sangi ||
Kanchan baran biraj subesa |
Kann kundal kunchit kesa ||
Haat vajar ao dheja biraje |
Kandhe muj janeu sajee ||
Sankar suvan kesrinandan |
Tej pratap maha jag bandhan ||
Vidhyavan gune aati chatur |
Ram kaaj kaibe ko aatur ||
Prabhu charit sunibe ko rasiya |
Ram lakhan sita maan basiya ||
Susham roop dhari siyahi dhikhava |
Bikat roop dhari lank jarava ||
Bhim roop dhari asur sahare |
Ramchandra ke kaaj savare ||
Laye sanjeevan lakhan jiyaye |
Shriraghuvir harsha ure laye ||
Raghupati kinhe bahut badai |
Tum mam preye bharat sam bhai ||
Sahart badan tumarhu jas gavey |
Aas kahi shripati kant lagavey ||
Sankadeek bhramadhi munisa |
Narad sarad sahit ahisa ||
Jam kuber digpal jaha thi |
Kavi kovid kahi sake kaha thi ||
Tum upkar sughuv kehina |
Ram milaye raj pad denha ||
Tumraho mantra vibhekshan mana |
Lankeshvar bhaye sab jag jaan ||
Jug sahes jojan per bhanu |
Linyo tahi madhur phal janu ||
Prabhu mudrika meli mukh mahi |
Jaldhi ladhi gaye acraj nahi ||
Durgam kaaj jagat ke jete |
Sugam anugrah tumre tete ||
Ram duaare tum rakhvare |
Hoot na aagya binu pasare ||
Sab sukh lahai tumhre sarna |
Tum rchak kahu ko daarna ||
Aapan tej samharo aape |
Teno lok hakte kape ||
Bhut pesach nikat nahi aaveh |
Mahavir jab naam sunaveh ||
Nase rog hare sab peera |
Japat nirantar hanumat bal bira ||
Sankat se hanuman chudave |
Maan kam bachan dayan jo lavey ||
Sab per ram tapasvi raja |
Tin ke kaaj sakal tum saja ||
Aur manorat jo kayi lave |
Tasuye amit jeevan phal pavey ||
Charo guj pratap tumarah |
Hai prasidh jagat ujeyara ||
Sadhu sant ke tum rakhvare |
Asur nikandan ram dulare ||
Ashat sidhi navnidhi ke data |
As var deen jaanki mata ||
Ram rasayan tumhre pasa |
Sada raho raghupati ke dasa ||
Tumreh bhajan ram ko bhavey |
Janam janam ke dukh bisravey ||
Ant kaal raghubar pur jaie |
Jaha janam hari bhagat kahaei ||
Aur devta chitna dhareyo |
Hanumat seye sarav sukh karaei ||
Sankat kate mite sab pera |
Jo sumere hanumat balbira ||
Jai jai jai hanuman gusai |
Kripa karo guru dev ke naai ||
Jo sat bar pat kar koi |
Chutehi bandhi maha sukh hoai ||
Jo yahe pade hanuman chalisa |
Hoye sidhi sa ke goresa ||
Tulsidas sada hari chera |
Kijeye nath hridaye maha dera ||
Doha
Pavantnaye sankat haran, Mangal murti roop |
Ram lakhan sita sahet, Hridaye basau sur bhup ||